Historitë e suksesit tregojnë se përfshirja në tregun e punës bëhet e mundur kur institucionet, komunitetet dhe partnerët bashkëpunojnë për të krijuar mundësi reale.
Në kuadër të projektit “Thyerja e Barrierave: Fuqizimi i të Rinjve që Nuk Dëgjojnë për Punësim Gjithëpërfshirës në Shqipëri”, Albani, një i ri që nuk dëgjon, po ndërmerr hapa të rëndësishëm drejt zhvillimit të aftësive që mbështesin integrimin e tij në tregun e punës.
Falë bashkëpunimit ndërmjet Shoqatës Kombëtare Shqiptare të Njerëzve që Nuk Dëgjojnë (ANAD), Qendrës për Studime Krahasuese dhe Ndërkombëtare (QSKN/CCIS), Bashkisë Vorë dhe Qendrës Multifunksionale Vorë, Albanit iu krijua mundësia të zhvillojë aftësitë bazë digjitale përmes një programi të dedikuar mësimor. Përvetësimi i këtyre kompetencave përbën një hap të rëndësishëm drejt rritjes së pavarësisë, përmirësimit të punësueshmërisë dhe pjesëmarrjes aktive në jetën ekonomike dhe shoqërore.
Historia e Albanit dëshmon se bashkëpunimi ndërinstitucional dhe koordinimi i shërbimeve në nivel vendor mund të krijojnë mundësi konkrete për personat që nuk dëgjojnë, duke kontribuar në ndërtimin e një tregu pune më gjithëpërfshirës dhe më të aksesueshëm.
CCIS dhe ANAD mbeten të angazhuara për të mbështetur iniciativa që promovojnë barazinë e mundësive dhe fuqizimin e komunitetit të personave që nuk dëgjojnë në Shqipëri.
Disclaimer
Ky publikim është përgatitur në kuadër të projektit “Thyerja e Barrierave: Fuqizimi i të Rinjve që Nuk Dëgjojnë për Punësim Gjithëpërfshirës në Shqipëri”, zbatuar nga Shoqata Kombëtare Shqiptare e Njerëzve që Nuk Dëgjojnë (ANAD) në partneritet me Qendrën për Studime Krahasuese dhe Ndërkombëtare (QSKN/CCIS), me mbështetjen e BE për Përfshirjen në Tregun e Punës (EU4LMI), një program i financuar nga Bashkimi Evropian dhe i zbatuar nga PNUD (UNDP), Shërbimi Publik i Punësimit i Suedisë (Swedish Public Employment Service) dhe ADRF, në partneritet me Agjencinë Kombëtare të Punësimit dhe Aftësive. Përmbajtja e këtij publikimi është përgjegjësi vetëm e autorëve dhe nuk pasqyron domosdoshmërisht pikëpamjet e Bashkimit Evropian, PNUD-së apo partnerëve zbatues.
#CCIS #ANAD #EU4LMI #InclusiveEmployment #DisabilityInclusion #DigitalSkills #EmploymentInclusion #SocialInclusion #EvidenceBasedPolicy #EUProjects
