Qendra për Studime Krahasuese dhe Ndërkombëtare (QSKN/CCIS) dhe Shoqata Kombëtare Shqiptare e Njerëzve që Nuk Dëgjojnë (ANAD) zhvilluan një takim koordinues në kuadër të projektit “Thyerja e Barrierave: Fuqizimi i të Rinjve që Nuk Dëgjojnë për Punësim Gjithëpërfshirës në Shqipëri”, me fokus planifikimin e aktiviteteve dhe prioriteteve të fazës së ardhshme të zbatimit.
Takimi shërbeu për të koordinuar ndërhyrjet që do të zhvillohen gjatë muajve në vijim, duke vendosur theks në këshillimin dhe orientimin në karrierë, forcimin e bashkëpunimit ndërinstitucional dhe promovimin e mundësive të qëndrueshme të punësimit për të rinjtë që nuk dëgjojnë.
Përmes një qasjeje të bazuar në partneritet dhe koordinim ndërmjet organizatave zbatuese dhe institucioneve përkatëse, projekti synon të kontribuojë në hartimin dhe zbatimin e mekanizmave më efektivë për përfshirjen e komunitetit të personave që nuk dëgjojnë në tregun e punës.
Ky proces përfaqëson një hap të rëndësishëm drejt ndërtimit të politikave dhe shërbimeve më gjithëpërfshirëse, të bazuara në nevojat reale të komunitetit dhe në bashkëpunimin e qëndrueshëm ndërmjet aktorëve institucionalë dhe shoqërisë civile.
Disclaimer
Ky publikim është përgatitur në kuadër të projektit “Thyerja e Barrierave: Fuqizimi i të Rinjve që Nuk Dëgjojnë për Punësim Gjithëpërfshirës në Shqipëri”, zbatuar nga Shoqata Kombëtare Shqiptare e Njerëzve që Nuk Dëgjojnë (ANAD) në partneritet me Qendrën për Studime Krahasuese dhe Ndërkombëtare (QSKN/CCIS), me mbështetjen e BE për Përfshirjen në Tregun e Punës (EU4LMI), një program i financuar nga Bashkimi Evropian dhe i zbatuar nga PNUD (UNDP), Shërbimi Publik i Punësimit i Suedisë (Swedish Public Employment Service) dhe ADRF, në partneritet me Agjencinë Kombëtare të Punësimit dhe Aftësive. Përmbajtja e këtij publikimi është përgjegjësi vetëm e autorëve dhe nuk pasqyron domosdoshmërisht pikëpamjet e Bashkimit Evropian, PNUD-së apo partnerëve zbatues.
#CCIS #ANAD #EU4LMI #InclusiveEmployment #DisabilityInclusion #CareerGuidance #InstitutionalCooperation #EmploymentPolicies #SocialInclusion #EUProjects
