Nga ToT te pilotimi: një hap i ri për fuqizimin e këshillave bashkiake në Shqipëri!

Pas një pune intensive dhe të përkushtuar për hartimin dhe zhvillimin e kurrikulës së trajnimit “Roli i Këshillave Bashkiake në Politikëbërjen Strategjike, Planifikimin dhe Monitorimin Vendor”, ekipi i #CCIS ka nisur fazën e pilotimit të saj me anëtarët e këshillave bashkiake, pas përfundimit të suksesshëm të procesit të Trajnimit të Trajnerëve (ToT).

Ky moment përfaqëson një hap të rëndësishëm për #TALGA (Akademia për Vetqeverisjen Vendore) në forcimin e kapaciteteve të këshillave bashkiake për të ushtruar në mënyrë më efektive rolin e tyre në planifikimin strategjik, buxhetimin, monitorimin dhe vendimmarrjen e bazuar në evidencë. Një falënderim i veçantë shkon për Lorena Totoni dhe Lindita Oshafi, për profesionalizmin, përkushtimin dhe punën e palodhur në zhvillimin dhe pilotimin e kësaj kurrikule.

Ky proces do të pasohet në javët në vijim nga trajnimet kombëtare me këshillat bashkiake në të gjithë Shqipërinë, duke kontribuar në ndërtimin e një qeverisjeje vendore më të fortë, më transparente dhe më pranë qytetarëve.

Kjo iniciativë zhvillohet në kuadër të programit Bashki të Forta (BtF), zbatuar nga Helvetas, me mbështetjen financiare të #Switzerland dhe #Sweden, të cilat vijojnë të mbështesin forcimin e demokracisë vendore dhe zhvillimin e kapaciteteve të institucioneve lokale në Shqipëri.