ANAD-SHKSHNJND dhe CCIS në Komunitetin e Praktikës (KiP) për Menaxhimin e Integruar të Rastit (MIR)

Në kuadër të projektit BE për Përfshirjen në Tregun e Punës #EU4LMI, u zhvilluan 3 sesione pune të Komunitetit të Praktikës (KiP) me pjesëmarrjen e profesionistëve nga Tirana, Shkodra, Durrësi, Kavaja, Vlora, Fieri, Gjirokastra, Elbasani dhe Korça.

Fokusi i sesioneve ishte Menaxhimi i Integruar i Rastit (MIR) një qasje që lidh këshillimin për karrierën, mbështetjen sociale dhe zhvillimin e aftësive, për të siguruar shërbime të koordinuara dhe të aksesueshme për individët që përballen me pengesa të shumta në punësim.

Diskutimet sollën në pah rëndësinë e:

bashkëpunimit ndërsektorial,

ndjekjes individuale,

standardizimit të komunikimit në gjuhë të aksesueshme,

trajnimeve për punonjësit e linjës së parë.

Ky model është i transferueshëm edhe në kontekste të tjera të përfshirjes sociale, duke hapur rrugë për praktika më gjithëpërfshirëse dhe efektive në Shqipëri.

ANAD dhe CCIS morën pjesë aktive si zbatues të projektit “Thyerja e Barrierave: Fuqizimi i të Rinjve që Nuk Dëgjojnë për Punësim Gjithëpërfshirës në Shqipëri”, duke ndarë përvojën dhe sfidat në drejtim të përfshirjes së të rinjve që nuk dëgjojnë në tregun e punës.

Projekti zbatohet nga Shoqata Kombëtare Shqiptare e Njerëzve që Nuk Dëgjojnë (ANAD) në bashkëpunim me Qendra për Studime të Krahasuara dhe Ndërkombëtare (CCIS), dhe është pjesë e skemës së granteve të financuara nga Bashkimi Evropian EU4LMI, European Union in Albania zbatuar nga UNDP Albania, Zyra Publike Suedeze e Punësimit dhe FSHDPAK, në partneritet me Agjencinë Kombëtare të Punësimit dhe Aftësive (AKPA).

Së shpejti do të ndajmë me ju më shumë rreth zbatimit të qasjes së MIR në projektin tonë.